پی ڈی ایم کے جلسے اور ریلیاں نکالنے کا نیا شیڈول تیار

لاہور: پی ڈی ایم نے 31 جنوری سے قبل جلسوں اور ریلیوں کا نیا شیڈول تیارکرلیا

ذرائع کے مطابق حکومت مخالف اپوزیشن اتحاد پاکستان ڈیمو کریٹک موومنٹ (پی ڈی ایم) نے31 جنوری کی ڈیڈ لائن سے قبل جلسے اور ریلیاں نکالنے کا نیا شیڈول تیار کرلیا ہے۔

پی ڈی ایم کا 24 دسمبر کو بہاولپور میں ریلی نکالنے کا مجوزہ شیڈول سامنے آیا ہے، بے نظیر بھٹو کی برسی پر 27 دسمبر کو لاڑکانہ میں جلسہ کیا جائے گا۔

ذرائع کا کہنا ہے کہ 29 دسمبر کو مردان اور 2 جنوری کو سرگودھا میں پی ڈی ایم ریلی نکالے گی۔

شیڈول کے مطابق پی ڈی ایم کی 4 جنوری کو مالاکنڈ اور 9 جنوری کو سیالکوٹ میں بھی ریلی ہو گی۔

ذرائع کے مطابق بنوں میں 12 جنوری اور 16 جنوری کو تھر پارکر میں ریلی نکالی جائے گی۔

 19 جنوری کو فیصل آباد اور 23 جنوری کو خضدار میں ریلی نکلے گی۔

مجوزہ شیڈول کے مطابق پی ڈی ایم کی 31 جنوری سے قبل 26 جنوری کو ژوب میں ریلی ہوگی۔