والد کے جملے میرے لیے سب سے بڑی کامیابی ہیں

ادکارہ حنا الطاف نے کہا کہ میرے والد کا ایک جملہ میرے لیے سب سے بڑی کامیابی ہے

ایک انٹرویو میں معروف پاکستانی اداکارہ حنا الطاف نے زندگی کی سب سے بڑی کامیابی بتادی

انٹرویو کے دوران حنا الطاف نے اپنے والد کے ذکر پر افسردہ لہجے میں کہا کہ ’میرے والد کی سرجری کے بعد میں نے جب یہ الفاظ خود سنے کہ وہ کسی کو بتارہے تھے کہ میری سرجری کا سارا خرچہ حنا نے اٹھایا ہے‘۔

اداکارہ کے مطابق والد کا کہنا تھا کہ ’میرے دو بیٹے اور بھی ہیں لیکن حنا میرا تیسرا بیٹا ہے ’یہ میرا کندھا ہے میرا سب سے مضبوط کندھا‘۔

حنا الطاف کا کہنا تھا کہ ’مجھے لگتا ہے کہ میرے والد کا جو ایک جملہ تھا کہ حنا میری بیٹی نہیں میرا بیٹا ہے اس چیز نے مجھے اندر سے بہت مضبوط بنادیا، یہی جملہ میرے لیےسب کچھ ہے‘۔

حنا الطاف نے کہا کہ ’یہی جملے میرے لیے سب سے بڑی کامیابی ہے اور مجھے لگتا ہے کہ کسی بھی لڑکی کے لیے زندگی کی سب سے بڑی کامیابی یہی ہے جب وہ فولادی طریقے سے اپنے والد کے پیچھے کھڑی ہوجائے، ایک ایسے وقت جب وہ کندھے کمزور پڑجائیں تو آپ کو ہونا چاہیے کہ نہیں ،بس میں ہی ہوں یہاں‘۔