واشنگٹن :امریکی کانگریس نے جو بائیڈن کی کامیابی کی توثیق کردی
امریکہ کے اگلے صدر جو بائیڈن بیس جنوری کو حلف اٹھائیں گے۔
کانگریس کی جانب سے تصدیق کی گئی ہے کہ جو بائیڈن اور کملا ہیرس امریکہ کے اگلے صدر اور نائب صدر ہوں گے، وہ بیس جنوری کو عہدہ سنھبالیں گے۔
سینیٹ اور کانگریس دونوں کے اراکین نے ریاست ایریزونا اور پینسلوینیا کے نتائج پر موجود اعتراضات کو مسترد کر دیا۔
واضح رہے کہ امریکی صدر ڈونلڈ ٹرمپ کے حامیوں کے کیپیٹل ہل پر حملے کے بعد کانگریس کو ضابطے کی کارروائی روکنی پڑی تھی، سیکورٹی فورسز کے حالات کنٹرول میں لینے کے بعد کامیابی کی توثیق کی گئی۔
