تہران: القاعدہ کی پناہ گاہ سے متعلق امریکی بیان خطرناک جھوٹ ہے
ایران کے وزیر خارجہ جواد طریف نے اپنے امریکی ہم منصب مائیک پومپیو کے بیان کو مسترد کرتے ہوئے کہا کہ ہم القاعدہ اور داعش کا نشانہ رہے ہیں اور ہم نے ان کا ڈٹ کر مقابلہ کیا ہے۔
عالمی خبر رساں ادارے کے مطابق ایرن کے وزیر خارجہ جواد ظریف نے کہا ہے کہ ہم نے القاعدہ جیسی دہشت گرد جماعتوں کے خلاف جنگ کی ہے اور ہم ان کے تشدد کا شکار بھی رہے ہیں اس لیے ایران کو القاعدہ کا گڑھ کہنا مائیک پومپیو کا ایک “خطرناک جھوٹ” ہے۔
From designating Cuba to fictitious Iran "declassifications” and AQ claims, Mr. “we lie, cheat, steal” is pathetically ending his disastrous career with more warmongering lies.
No one is fooled. All 9/11 terrorists came from @SecPompeo‘s favorite ME destinations; NONE from Iran.
— Javad Zarif (@JZarif) January 12, 2021
سماجی رابطے کی ویب سائٹ ٹوئٹر پر اپنی ٹویٹ میں جواد ظریف نے لکھا کہ ایران سے متعلق فرضی کہانیاں بنانے اور القاعدہ سے تعلق جوڑنے جیسے سفید جھوٹ سے مائیک پومپیو اپنی وزارت کے گنے چنے دنوں کا افسوناک خاتمہ کر رہے ہیں۔
ایرانی وزیر خارجہ نے مزید کہا کہ بے پر کی کہانیوں سے کسی کو بے وقوف نہیں بنایا جاسکتا، نائن الیون کے تمام حملہ آور ایران سے نہیں بلکہ مائیک پومپیو کی پسندیدہ جگہ سے آئے تھے۔
واضح رہے کہ امریکی وزیر خارجہ مائک پومپیو نے الزام عائد کیا تھا کہ ایران دہشت گرد تنظیم القاعدہ کا نیا گڑھ ہے اور حال ہی میں القاعدہ نے ایران میں ایک نیا ہوم بیس قائم کیا ہے جس سے نمٹنے کے لیے امریکا کے پاس آپشنز ہیں۔
