کورونا کی نئی قسم زیادہ مہلک ثابت ہوسکتی ہے

لندن : بورس جانسن کا کہنا ہے کہ برطانیہ میں نیا کورونا وائرس زیادہ مہلک ثابت ہوسکتا ہے۔

برطانوی وزیر اعظم بورس جانسن نے معاونین کے ہمراہ پریس بریفنگ میں کہا کہ نیا کورونا وائرس زیادہ مہلک ثابت ہوسکتا ہے۔ 24 گھنٹوں میں 49 ہزار سے زائد متاثرہ افراد کواسپتال داخل کیا گیا۔

انہوں نے بتایا کہ کورونا وائرس کے باعث مزید ایک ہزار 401 افراد ہلاک ہوئے، عالمی وباء سے انتقال کرنے والے افراد کی تعداد 95 ہزار 981 ہوگئی ہے۔

برطانوی وزیر اعظم کا کہنا تھا کہ ویکسین کورونا کی نئی اور پرانی قسم کے خلاف یکساں مؤثر ہے، 24 گھنٹوں میں چار لاکھ افراد کو ویکسین لگائی گئی ہے۔