پاکستان ڈے پریڈ کو ری شیڈول کردیا گیا

یوم پاکستان کی پریڈ 23 کے بجائے 25 مارچ کو ہوگی، آئی ایس پی آر

آئی ایس پی آر نے پاکستان ڈے پریڈ کے حوالے سے اعلامیہ جاری کیا ہے، جس میں 23 مارچ کی پریڈ ری شیڈول کرنے کا اعلان کیا گیا ہے۔

آئی ایس پی آر کے مطابق 23 مارچ کو خراب موسم اور بارشوں کے باعث یوم پاکستان کی پریڈ نہیں ہوسکے گی۔

آئی ایس پی آر کے مطابق یوم پاکستان کی پریڈ جو 23 مارچ کو شیڈول تھی اب طے شدہ پروگرام کے تحت 25 مارچ کو ہوگی۔