Featuredاسلام آباد

کرونا وائرس سے گزشتہ چوبیس گھنٹوں کے دوران مزید 151 اموات

اسلام آباد: پاکستان میں کرونا وائرس کی وبا کی تیسری لہر بے قابو ہو گئی ہے، اموات میں مسلسل اضافہ ہو رہا ہے، گزشتہ چوبیس گھنٹوں کے دوران مزید 151 مریض انتقال کر گئے۔

 

 

 

نیشنل کمانڈ اینڈ آپریشن سینٹر سے جاری اعداد و شمار کے مطابق منگل کے روز کرونا انفیکشن کے باعث اموات ریکارڈ بلند سطح پر پہنچ گئی تھیں، اور ایک ہی دن میں 201 افراد جاں بحق ہوئے، گزشتہ روز بھی ایک سو اکیاون مریض جاں بحق ہوئے۔

 

این سی او سی کا کہنا ہے کہ گزشتہ 24 گھنٹوں کے دوران کرونا کے 57 ہزار 13 ٹیسٹ کیے گئے، جن میں سے مثبت آنے والے کیسز کی تعداد 5 ہزار 480 رہی، جب کہ 24 گھنٹوں میں کرونا کے ٹیسٹ مثبت آنے کی شرح 9.61 فی صد رہی۔

 

 

 

مجموعی اموات کی تعداد 17 ہزار 680 ہو گئی ہے، جب کہ مجموعی کیسز کی تعداد 8 لاکھ 15 ہزار 711 ہو گئی، جن میں سے 7 لاکھ 8 ہزار 193 مریض صحت یاب ہو چکے ہیں۔

 

این سی او سی کے مطابق تشویش ناک مریضوں کی تعداد 5 ہزار 263 ہے، جب کہ ملک میں فعال کیسز کی تعداد 89 ہزار 838 تک پہنچ گئی، اب تک ملک میں 1 کروڑ، 17 لاکھ 39 ہزار 27 کرونا ٹیسٹ کیے جا چکے ہیں۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close