Featuredاسلام آباد

18 سال سے زائد عمر کے افراد کی کورونا ویکسینیشن کا آغاز

اسلام آباد : پاکستان میں 18 سال سے زائد عمر کے افراد کی کورونا ویکسینیشن کا آغاز کردیا گیا ، شہری 1166سے کوڈ حاصل کرنے کے بعد کسی بھی سینٹر سے ویکسین لگواسکتے ہیں۔

 

 

 

 

 

تفصیلات کے مطابق پاکستان میں آج سے 18 سال اور اس سے زائد عمر کے افراد کی کورونا ویکسینیشن شروع ہوگئی ہے، شہری کوویڈ ۔19 ویکسینیشن کے لئے اپنا CNIC نمبر 1166 پر بھیج کرکوڈ حاصل کریں اور موصول او ٹی پی کے ساتھ ویکسینیشن سنٹر جاکر ویکسینیشن لگوائیں۔

 

 

دوسری جانب وفاقی وزیر اسدعمرنے سماجی رابطے کی ویب سائٹ ٹوئٹر پر اپنے پیغام میں کہا ہے کہ ویکسینیشن ڈرائیومیں تیزی وفاق کی بھاری سرمایہ کاری سےممکن ہوئی، اب تک ویکسین کی خریداری تقریباً ایک ارب ڈالرکےچوتھائی تک پہنچ چکی ، اگلے سال مزید ویکسی نیشن کی خریداری پر زیادہ خرچ کریں گے۔

 

یاد رہے این سی او سی کے سربراہ اسد عمر نے 19 سے زائد عمر کے افراد کیلئے ویکسینیشن کیلئے رجسٹریشن کا اعلان کرتے ہوئے کہا تھا کہ اب رجسٹریشن پوری قوم کیلئےہوگی جنہیں ماہرین صحت نےویکسین کیلئے منظور کرلیا ہے۔

 

اسد عمر نے کہا تھا رجسٹرڈلوگوں سےدرخواست ہے جلد ویکسینیشن کیلئےسینٹرجائیں، جن کودوسری ویکسین لگنی ہے وہ ضرور بر وقت ویکسینیشن کے لئے جائیں۔

 

خیال رہےپاکستان میں کرونا انفیکشن سے جاں بحق افراد کی تعداد21ہزار سے تجاوز کر گئی ہے، ملک میں گزشتہ 24 گھنٹوں کے دوران کرونا وائرس انفیکشن کی وجہ سے مزید 92 افراد انتقال کر گئے۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close