Featuredاسلام آباد

درآمدات میں تخمینے سے زائد اضافے پر وفاقی وزیرخزانہ شوکت ترین اعلیٰ حکام پر برہم

اسلام آباد: دوران اجلاس شوکت ترین نے درآمدات میں وزارت تجارت کی جانب سے لگائے گئے تخمینے سے ایک ارب ڈالر ( 18 فیصد) زائد اضافے پر حکام پر اظہاربرہمی کیا

تین ہفتے قبل وزارت تجارت نے اگست میں درآمداتی حجم کا تخمینہ 5.5 ارب ڈالر لگایا تھا مگر درآمدات بڑھ کر 6.5 ارب ڈالر تک پہنچ گئیں۔ جو ایک ماہ میں درآمدات کی بلند ترین سطح ہے۔

وزارت تجارت کے ماہانہ مفروضے کی بنیاد اس اندازے پر ہے کہ رواں مالی سال میں درآمدات کا حجم 70 ارب ڈالر کے لگ بھگ رہے گا۔

یہ بھی پڑ ھیں : پاکستان کا مختصر ترین دستہ ریو کیلئے تیار

اجلاس میں شامل شرکا نے ایکسپریس ٹریبیون کو بتایا کہ دوران اجلاس شوکت ترین نے وزارت تجارت کے حکام سے استفسار کیا کہ صرف دو ہفتے میں ان کے تخمینے ایک ارب ڈالر کے بڑے مارجن کے ساتھ غلط کیوں ہوگئے۔

جواباً حکام نے کہا کہ انھوں نے پچھلے تین برسوں کی اوسط کی بنیاد پر اندازہ لگایا تھا، تاہم وزارت تجارت کی وضاحت وفاقی وزیرخزانہ نے قبول نہیں کی۔ پاکستان بیورو آف اسٹیٹکس نے گذشتہ ہفتے رپورٹ کیا تھا کہ اگست میں درآمدات 6.5 ارب ڈالر رہیں۔ اس کے نتیجے میں سال بہ سال کی بنیاد پر تجارتی خسارہ گذشتہ ماہ میں 144 فیصد بڑھ کر 4.2 ارب ڈالر رہا۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close