بلوچستان میں تیز ہوائیں اور وقفے وقفے سے بارش

محکمۂ موسمیات کے مطابق طوفان کا رخ مسقط کے ساحل کی طرف ہو گیا ہے۔

بحیرۂ عرب میں بننے والے سمندری طوفان شاہین کے زیرِ اثر بلوچستان کے ساحلی علاقوں میں تیز ہوا کے ساتھ وقفے وقفے سے بارش جاری ہے۔

اورماڑہ، پسنی، گوادر اور گرد و نواح میں وقفے وقفے سے بادل برس رہے ہیں۔

محکمۂ موسمیات کے مطابق طوفان کا رخ مسقط کے ساحل کی طرف ہو گیا ہے۔

طوفان کے اثرات کے تحت بلوچستان کی ساحلی پٹی پر آج اور کل بارش کا امکان ہے۔

محکمۂ موسمیات کے مطابق گوادر، اورماڑہ اور پسنی میں رات گئے تیز بارش ہوئی، جبکہ اس وقت تیز ہوائیں چل رہی ہیں، اور وقفے وقفے سے بارش ہو رہی ہے۔

محکمۂ موسمیات نے یہ بھی بتایا کہ تربت اور اس کے گرد و نواح میں موسلا دھار بارش جاری ہے۔