بھارت میں مسلمانوں کے خلاف نفرت اپنے عروج پر ہے

تازہ واقع میں بھارتی ایپ پر مسلمان خواتین کو نیلامی کے لیے پیش کیا گیا۔

بھارت میں مسلمان خواتین کی فروخت کی ایپ بنانے والے 5 ملزمان گرفتار کرلیے گئے۔

ایک ایپ کے خالق نے گذشتہ سال 80 سے زائد مسلم خواتین کی تصاویر پوسٹ کی تھیں جبکہ دوسری ایپ پر 100 سے زیادہ مسلم خواتین کی تصاویر اپ لوڈ کی گئیں۔

ایپس کا مقصد مسلمان خواتین کو بدنام اور ان کی تضحیک کرنا تھا۔ آن لائن ویب پر ملالہ یوسفزئی، شبانہ اعظمی سمیت کئی خواتین کی تصاویر پوسٹ تھیں۔

گرفتار افراد میں مرکزی ملزم سمیت پانچ ملزمان شامل ہیں۔ جن میں ایک خاتون بھی ہے۔ ایک ایپ کے مبینہ خالق 25 سالہ نوجوان نےگذشتہ سال 80 سے زیاہ مسلم خواتین کی تصاویر پوسٹ کی تھیں۔

دوسری ایپ پر 100 سے زیادہ مسلم خواتین کی تصاویر اپ لوڈ کیے جانے کے چند دن بعد 21 سالہ طالب علم نیرج بشنوئی سمیت 4 طلبہ کو گرفتار کیا گیا۔