امریکی محکمہ خارجہ نے پاکستانی نامزد سفیر کو کلئیر کردیا

اسلام آباد: واشنگٹن کیلئے پاکستان کے نامزد سفیر مسعود خان کیخلاف بھارتی پراپیگنڈہ ناکام ہوگیا۔

سفارتی ذرائع کے مطابق ریپبلکن کانگریس مین سکاٹ پیری کا امریکی صدر کو خط بھی اثر نہ دکھا سکا، امریکی محکمہ خارجہ نے پاکستانی نامزد سفیر مسعود خان کو کلئیر کردیا۔

سفارتی ذرائع نے کہا کہ مسعود خان کی حتمی کلیرئنس اب وائٹ ہاؤس سے جاری کی جائے گی، مسعود خان کیخلاف لگائے گئے جہادی ہونے کے الزامات بے بنیاد ہیں۔

ذرائع نے بتایا کہ مسعود خان نے بطور سفارت کاراور بطور سیاست دان ہر قسم کی دہشتگردی کی شدید مذمت کی ہے۔