گلگت بلتستان

گلگت بلتستان، سابق سیکرٹری محمد علی یوگوی اور ڈائیریکٹر ضمیر عباس ضمانت پر رہا

گلگت: محکمہ ایکسائز اینڈ ٹیکسیشن کے سابق سیکرٹری اور سابق ڈپٹی ڈائیریکٹر کو ضمانت پر رہا کر دیا گیا ہے۔ ذرائع کے مطابق چیف کورٹ گلگت بلتستان نے محکمہ ایکسائز اینڈ ٹیکسیشن کے سابق سیکرٹری محمد علی یوگوی اور سابق ڈپٹی ڈائیریکٹر ضمیر عباس کی ضمانت منظور کرتے ہوئے رہا کرنے کا حکم دیا۔ سابق سیکرٹری محمد علی یوگوی کو ڈسٹرکٹ جیل گلگت اور سابق ڈپٹی ڈائیریکٹر ضمیر عباس کو سب جیل جو ٹیال سے رہا کر دیا گیا ہے۔ محکمہ ایکسائز اینڈ ٹیکسیشن کے سابق سیکرٹری اور سابق ڈپٹی ڈائریکٹر کو مبینہ مالی بے ضابطگیوں پر قومی احتساب بیورو نے گرفتار کیا تھا، جن کے خلاف باقاعدہ ریفرنس بھی نیب کورٹ میں جمع کرایا گیا ہے۔ بعد ازاں دونوں آفیسرز کو جیل بھیجا گیا تھا، پانچ ماہ قید رہنے کے بعد رہا کیا گیا تھا۔ سپریم اپیلٹ کورٹ نے انکی ضمانت منسوخ کر دی تھی، جس کی وجہ سے دوبارہ گرفتاری عمل میں لائی گئی تھی۔ محکمہ ایکسائز اینڈ ٹیکسیشن کے سابق آفیسرز کو 6 ماہ بعد ضمانت پر رہا کردیا گیا ہے۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close