ملک کا نقصان ہو رہا ہے بہتر ہے معاملہ صلح کی طرف جائے: فواد چوہدری

16 مئی 2023

0 8

اسلام آباد: سیاسی درجہ حرارت نیچے نہیں آرہا ، ملک میں کوئی قانون ہو تو بات کی جائے۔

اسلام آباد ہائی کورٹ میں پیشی کے موقع پر گفتگو کرتے ہوئے پی ٹی آئی رہنما فواد چوہدری نے کہا کہ ملک کو نقصان ہو رہا ہے بہتر ہے صلح کی طرف جائیں۔

پی ٹی آئی رہنما نے کہا کہ ملک بھر میں 8 سے 10 ہزار افراد گرفتار ہیں۔ ملک کا نقصان ہو رہا ہے بہتر ہے معاملہ صلح کی طرف جائے۔ملک میں کوئی قانون ہو تو بات کی جائے۔

آرمی اور آفیشل سیکریٹ ایکٹ کے تحت گرفتاریوں سے متعلق سوال کے جواب میں فواد چوہدری کا کہنا تھا کہ اپنے لوگوں کیخلاف کیسے مقدمات چلائیں گے۔ سیاسی درجہ حرارت نیچے نہیں آرہا۔ پی ٹی آئی کی دیگر قیادت بھی اڈیالہ جیل میں ہے۔