اسلام آباد

فہمیدہ مرزا کی درخواست پر پی پی کی یاسمین شاہ نااہل

اسلام آباد: سپریم کورٹ آف پاکستان نے بدین سے پیپلزپارٹی کی امیدوار یاسمین شاہ کو نااہل قرار دے دیا، یاسمین بی بی کے خلاف فہمیدہ مرزا نے درخواست دائر کی تھی۔ڈاکٹرفہمیدہ مرزا نے اپنی درخواست میں پاکستان پیپلز پارٹی کی بدین کے صوبائی حلقے پی ایس 72 سے امیدوار یاسمین شاہ پر جعلی ڈگری رکھنے کا الزام لگایا تھا۔الیکشن ٹربیونل نے فہمیدہ مرزا اور ہائی کورٹ نے یاسمین شاہ کے حق میں فیصلہ دیا تھا۔چیف جسٹس نے کیس کے دوران اپنے ریمارکس میں کہا کہ حد ہوگئی، ایسے لوگوں کو انتخابات لڑنے کی اجازت نہیں دے سکتے۔جسٹس اعجاز الاحسن نے کہا کہ ریکارڈ ٹمپر کر کے نام تبدیل کیا گیا۔چیف جسٹس نے کہا کہ میٹرک سرٹیفکیٹ میں یاسمین کے والد کا نام کچھ اور لکھا ہوا ہے،بی بی یاسمین شاہ کی نااہلی سے متعلق تفصیلی فیصلہ بعد میں دیں گے۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close