صفحہ اول پاکستان اسلام آباد مخصوص نشستوں پر تحریک انصاف نے پرویز خٹک اور ن لیگ نے خواجہ آصف کو ’نواز‘ دیا لیکن ان کے علاوہ کن کن خاندانوں کی چاندی ہوگئی؟ وہ خبر جوآپ کو ضرور پڑھ لینی چاہیے

مخصوص نشستوں پر تحریک انصاف نے پرویز خٹک اور ن لیگ نے خواجہ آصف کو ’نواز‘ دیا لیکن ان کے علاوہ کن کن خاندانوں کی چاندی ہوگئی؟ وہ خبر جوآپ کو ضرور پڑھ لینی چاہیے

54 second read
0
0
Share on Pinterest
Share with your friends










Submit

اسلام آباد: متعدد سیاستدانوں نے مخصوص نشستوں پر اپنی خواتین رشتہ داروں کو قومی اسمبلی تک رسائی دلادی۔ایکسپریس نیوز کے مطابق گزشتہ روز الیکشن کمیشن نے قومی و صوبائی اسمبلیوں میں خواتین اور اقلیتوں کی مخصوص 221 نشستوں پر ارکان اسمبلی کے نوٹی فکیشن جاری کردیے ۔ اس طرح ملک میں ہونے والے حالیہ انتخابات کا آخری مرحلہ بھی مکمل ہوگیا اور تمام جماعتوں کی انتخابی پوزیشن واضح ہوگئی۔ اس کے ساتھ ساتھ پاکستان کے کئی سیاستدانوں کی خواتین رشتہ داروں کی قسمت جاگ اٹھی اور انہوں نے بھی قومی اسمبلی تک رسائی حاصل کرلی ہے۔تحریک انصاف خواتین کی 28 اور اقلیتوں کی 5 مخصوص نشستیں ملا کر قومی اسمبلی میں 158 ارکان کے ساتھ سب سے آگے ہے۔

پی ٹی آئی کی جانب سے جن خواتین کو ایم این اے کا منصب ملا ہے ان میں شیریں مزاری، منزہ حسن، عندلیب عباس اور سابق وزیراعلیٰ خیبر پختونخوا پرویز خٹک کی سالی نفیسہ عنایت اللہ خان خٹک اور بھتیجی ساجدہ بیگم شامل ہیں۔ جب کہ پی ٹی آئی کی لاہور سے معروف رہنما ڈاکٹر یاسمین راشد ممبر پنجاب اسمبلی منتخب ہوئی ہیں۔مسلم لیگ (ن) خواتین کی 16، اور اقلیتوں کی 10 مخصوص نشستوں میں سے 2 نشستیں حاصل کر کے مجموعی طور پر 82 ارکان قومی اسمبلی کے ساتھ ملک کی دوسری بڑی جماعت بن چکی ہے۔

ضرور پڑھیں:ترکی کو سب سے زوردارجھٹکا، ایک ہی دن میں کرنسی زمین سے آلگی، لیکن پھر طیب اردگان نے کیا اعلان کردیا؟ جان کر کانوں پر یقین نہ آئے
مسلم لیگ (ن) کی جانب سے خواتین کی مخصوص نشستوں کے لئے نامزد کردہ خواتین میں خواجہ آصف کی اہلیہ مسرت آصف اور بھتیجی شیزا فاطمہ، سابق وزیر اطلاعات مریم اورنگزیب، ان کی والدہ طاہرہ اورنگزیب، سابق وزیرخزانہ حفیظ پاشا کی اہلیہ عائشہ غوث پاشا، نواز شریف کے معاون خصوصی طارق فاطمی کی اہلیہ زہرہ ودود فاطمی، سابق وزیرمملکت چوہدری جعفر اقبال کی بیٹی زیب جعفر اور بھتیجی مائزہ حمید اور رکن آزاد کشمیر اسمبلی ناصر ڈار کی بہن کرن ڈار شامل ہیں۔مریم نواز کی سیکرٹری ثانیہ عاشق اور چوہدری جعفر اقبال کی اہلیہ عشرت جعفر پنجاب اسمبلی کے لئے منتخب ہوئی ہیں۔

پاکستان پیپلز پارٹی خواتین کی 9 اور 2 اقلیتی مخصوص نشستیں حاصل کرکے 53 نشستوں کے ساتھ ملک کی تیسری بڑی جماعت بن کر سامنے آئی ہے۔ پیپلز پارٹی کی حنا ربانی کھر، شازیہ مری، ناز بلوچ ممبر قومی اسمبلی منتخب ہوئی ہیں جب کہ شہلا رضا اور ریحانہ لغاری ممبر سندھ اسمبلی بن گئیں ہیں۔متحدہ قومی موومنٹ پاکستان نے کشور زہرا جبکہ متحدہ مجلس عمل نے سپریم کورٹ بار ایسوسی ایشن کے سابق صدر کامران مرتضیٰ کی اہلیہ عالیہ کامران کو بلوچستان سے نامزد کیا ہے۔ سابق صدر مملکت چودھری فضل الہٰی کی پوتی تاشفین صفدر بھی رکن قومی اسمبلی منتخب ہوئی ہیں۔

Share on Pinterest
Share with your friends










Submit
مزید مماثل خبریں

Leave a Reply

Your email address will not be published. Required fields are marked *

Check Also

وفاقی کابینہ کا اجلاس، شیخ رشید اور مراد سعید کی کارکردگی سب سے پسندیدہ قرار : ذرائع

وزیر اعظم عمران خان کی جانب سے وفاقی کابینہ کی کارکردگی کا جائزہ لیا جارہا ہے۔ اجلاس کے دو…