صفحہ اول پاکستان اسلام آباد اقتصادی رابطہ کمیٹی کا برآمدی صنعتوں کو گھریلو گیس دینے کا فیصلہ

اقتصادی رابطہ کمیٹی کا برآمدی صنعتوں کو گھریلو گیس دینے کا فیصلہ

55 second read
0
0
Share on Pinterest
Share with your friends










Submit

اسلام آباد: وفاقی کابینہ کی اقتصادی رابطہ کمیٹی (ای سی سی) نے برآمدی صنعتوں کو گھریلو گیس فراہم کرنے کا فیصلہ کرلیا۔ اسلام آباد میں وزیرخزانہ اسد عمر کی زیر صدارت اقتصادی رابطہ کمیٹی کا اجلاس ہوا جس میں 5 زیرو ریٹ برآمدی شبعوں پر مشتمل صنعتوں کو گھریلو گیس فراہم کرنے پر اتفاق کیا گیا۔

اس حوالے سے بتایا گیا کہ کمیٹی نے فیصلہ کیا کہ توانائی کے شعبوں کے ساتھ ساتھ برآمدی صنعتوں کو بھی ترجیحی بنایدوں پر گیس کی فراہمی کو یقینی بنایا جائے گا۔

علاوہ ازیں کہا گیا کہ موسم سرما کے تین ماہ دسمبر سے فروری تک صنعتوں کو آر ایل این جی فراہم کی جائے گی جب گھریلو گیس کی طلب میں غیر معمولی اضافہ ہوتا ہے۔

ای سی سی نے فیصلہ کیا کہ مارچ سے نومبر تک صنعتوں کو گھریلو گیس اور آرایل این جی 50-50 کے تناسب سے فراہم کی جائے گی۔ اس حوالے سے اجلاس میں گزشتہ دور حکومت میں ایل این جی ٹرمینل سے متعلق معاہدوں کے بارے میں امور زیر بحث آئے۔

ای سی سی نے فیصلہ کیا کہ معاہدے کے نکات پر بحث کے بعد ہی وفاقی کابینہ کے سامنے حقائق اگلے اجلاس میں پیش کیے جائیں گے۔ علاوہ ازیں اجلاس میں خیبرپختونخوا اور پنجاب حکومت کی کارکردگی پر اطمینان کا اظہار کیا گیا۔

Share on Pinterest
Share with your friends










Submit
مزید مماثل خبریں

Leave a Reply

Your email address will not be published. Required fields are marked *

Check Also

چینی قرضوں کے بارے میں ایسی کوئی چیز نہیں جسے آئی ایم ایف سے چھپانے کی ضرورت ہو، اسد عمر

اسلام آباد: وفاقی وزیر خزانہ اسد عمر نے کہا ہے کہ ضمنی بجٹ سے خسارہ کم کرنے میں مدد ملے گی…