مسکرانا کیسا ہم تو کھل کر رو بھی نہیں سکتے، نواز شریف

اسلام آباد: سابق وزیراعظم نواز شریف کا اپنی خاموشی پر کہنا ہے کہ اب مسکرانا کیسا ہم تو کھل کر رو بھی نہیں سکتے۔ سابق وزیراعظم نواز شریف جو جلسوں میں سیاسی مخالفین پر گرجتے اور برستے رہے تاہم مقدمات میں پھنسنے کے بعد انہیں چپ لگ گئی ہے، سابق وزیراعظم کی یہ خاموشی کسی سیاسی حکمت عملی کی وجہ سے ہے یا پھر وہ پریشان ہیں۔ سابق وزیراعظم کی خاموشی کی وجہ کو جاننے کے لیے احتساب عدالت کے باہر صحافی نے سوال کر ہی ڈالا جس پر نواز شریف نے انتہائی جذباتی سا جواب دیتے ہوئے کہا کہ اب مسکرانا کیسا ہم تو کھل کر رو بھی نہیں سکتے۔