مجھے عمران خان نے نہیں ایوان نے منتخب کیا

انہوں نے کہاکہ ریفرنسز کے حوالے سے جو کچھ کیا عقل ،فہم اور ضمیر کی آواز پر کیا،باقی جو کرنا ہے الیکشن کمیشن نے کرنا ہے ۔ان کا کہنا تھا کہ عمران خان شروع سے ہی میری ذات کے پیچھے پڑے ہوئے ہیں ۔ انہوں نے کہا کہ عمران خان کو تین بار الیکشن ہرا چکا ہوں ،انہیں اپنی شکست ہضم نہیں ہو رہی اسی لیے طرح طرح کی با تیں کرتے ہیں، عمران خان کے بیانات پر ہنسی آتی ہے۔ان کا مزیدکہنا تھا کہ سیاست فہم و فراست کا نام ہے ،چیخ و پکار اور الزام تراشی کا نہیں ۔