More share buttons
Share with your friends










Submit
Featuredاسلام آباد

علی زیدی، زرداری کی امریکا میں مبینہ جائیداد کی تفصیلات سامنے لے آئے

Share on Pinterest
Share with your friends










Submit

اسلام آباد: وفاقی وزیر بحری امور علی حیدر زیدی نے ٹوئٹر پر آصف زرداری کے امریکا میں مبینہ اپارٹمنٹ کی دستاویز کی نقول جاری کردی ہیں۔ تفصیلات کے مطابق وفاقی وزیر برائے بحری امور علی حیدر زیدی نے ٹوئٹر پر پاکستان پیپلز پارٹی کے شریک چیئرمین آصف علی زرداری کی امریکا میں مبینہ جائیدادوں کی دستاویز کی نقول پوسٹ کی ہیں۔

اس کے ساتھ ہی انہوں نے کہا ہے کہ 524 ایسٹ، اسٹریٹ 72، اپارٹمنٹ 37F نیویارک کی ٹیکس رسیدوں پر آصف زرداری کا نام واضح درج ہے۔ گزشتہ شب علی زیدی نے حامد میر کے پروگرام کیپٹل ٹاک میں کہا تھا کہ وہ آصف علی زرداری کی جائیدادوں کی دستاویز جلد ٹوئٹ کرنے والے ہیں۔

چند روز قبل وزیر اطلاعات فواد چوہدری نے میڈیا سے گفتگو کے دوران دعویٰ کیا تھا کہ حکومت کو آصف زرداری کے امریکا میں اپارٹمنٹ کے شواہد ملے ہیں، اس اپارٹمنٹ کو انہوں نے کاغذات نامزدگی میں ظاہر نہیں کیا۔

اس کے اگلے دن پاکستان تحریک انصاف نے کراچی میں الیکشن کمیشن کے دفتر میں آصف علی زرداری کی نااہلی کے لیے درخواست جمع کرائی تھی۔ دوسری جانب پیپلز پارٹی نے کہا ہے کہ آصف زرداری کی کردار کشی کی آڑ میں عوام دشمن فیصلے کیے جا رہے ہیں۔ سابق صدر کا امریکا میں کوئی اپارٹمنٹ نہیں۔

Share on Pinterest
Share with your friends










Submit
ٹیگز
مزید دیکھیں

متعلقہ خبریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے