More share buttons
Share with your friends










Submit
اسلام آباد

فواد چوہدری کے پارلیمنٹ میں بلند و بانگ دعووں پر ایوان میں قہقہے گونج اٹھے

Share on Pinterest
Share with your friends










Submit

اسلام آباد: وفاقی وزیر برائے سائنس اینڈ ٹیکنالوجی فواد چوہدری کے قومی اسمبلی میں بلند و بانگ دعووں پر ایوان میں قہقہے گونج اٹھے۔

قومی اسمبلی سے خطاب میں فواد چوہدری نے کہا کہ وہ وقت دور نہیں جب پاکستان بھی خلاء میں پہنچے گا، بھارت خلاء میں اپنا کارنامہ انجام دے چکا، ہم بھی جلد یہ کارنامہ انجام دیں گے۔

فواد چوہدری نے مزید کہا کہ پاکستان بھی خلائی میدان میں پیچھے نہیں رہے گا، پاکستان جلد اپنا مشن خلاء میں بیجھے گا اور ہم بھارت کو خلائی میدان میں بھی شکست دیں گے۔

فواد چوہدری کے بیان پر ایوان میں قہقہے گونجتے رہے۔

یہ بھی پڑھیں: چاند دیکھنے پر لاکھوں خرچ کرنا کہاں کی عقلمندی ہے، کمیٹی اس کا تو معاوضہ نہ لے، وفاقی وزیر فواد چوہدری

خیال رہے کہ وزیراعظم عمران خان نے گزشتہ دنوں مختلف وزراء کے قلمدان تبدیل کیے تھے اور فواد چوہدری سے وزارت اطلاعات و نشریات کا قلمدان لے کر سائنس اینڈ ٹیکنالوجی کی وزارت سونپ دی گئی تھی۔

سائنس اینڈ ٹیکنالوجی کی وزارت ملنے کے بعد سے فواد چوہدری کو سوشل میڈیا پر طنز کا نشانہ بنایا جارہا ہے۔

گزشتہ روز فواد چوہدری سے ایک صحافی نے استفسار کیا کہ ‘آپ کو فیس بک پر سائنسدان بنادیا گیا ہے’ جس کا جواب فواد چوہدری نے مسکرا کر دیا تھا۔

Share on Pinterest
Share with your friends










Submit
Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close