More share buttons
Share with your friends










Submit
اسلام آباد

احتساب کا عمل جاری رہے گا، بلیک میلنگ برداشت نہیں کریں گے، وزیراعظم

Share on Pinterest
Share with your friends










Submit

اسلام آباد: وزیراعظم عمران خان نے کہا ہے کہ احتساب کا عمل جاری رہے گا، کوئی سمجھوتہ نہیں کروں گا، بلیک میلنگ برداشت نہیں کریں گے۔

تفصیلات کے مطابق وزیراعظم عمران خان سے ڈاکٹر بابر اعوان کی ملاقات ہوئی جس میں ملکی موجودہ سیاسی صورت حال اور قانونی امور پر تبادلہ خیال کیا گیا، ملاقات میں احتساب کے جاری عمل اور حکومت کے اصلاحاتی ایجنڈے پر بھی غور کیا گیا۔

وزیراعظم عمران خان نے کہا کہ احتساب کی راہ میں روڑے اٹکانے والوں کو مایوسی ہوگی، معاشی صورت حال میں بہتری کے لیے دن رات کام جاری ہے۔

وزیراعظم عمران خان نے کہا کہ کشمیریوں کے حقوق کے لیے سیاسی اور سفارت کاری کی کوششیں جاری رہیں گی۔

دوسری جانب تحریک انصاف کے رہنما بابر اعوان نے کہا کہ معاشی حالات کی بہتری کے لیے درست سمت کا تعین ہوچکا ہے، ملک کو پہلی بار ترقی کی راہ پر گامزن کیا جارہا ہے۔

بابر اعوان نے کہا کہ ماضی میں حکمرانوں نے ملکی ترقی کے لیے سنجیدگی کا مظاہرہ کبھی نہیں کیا، 50 سال سے مسلط مافیا کے خلاف وزیراعظم نے تاریخی جدوجہد کی ہے۔

انہوں نے کہا کہ احتساب اور شفافیت موجودہ حکومت کی اہم کامیابی ہے، غریب کا تحفظ اور عزت نفس کا خیال حکومتی ترجیح ہے، ریاست مدینہ کا ماڈل اپنانا بہترین طرز حکمرانی ہے۔

واضح رہے کہ اس سے قبل وزیراعظم عمران خان نے افغان طالبان کے وفد سے ملاقات کی تھی، ملاقات میں افغان امن عمل کو دوبارہ جلد شروع کرنے پر گفتگو کی گئی تھی۔

فضل الرحمان اور بلاول بھٹو کی ملاقات بے نتیجہ ختم

Share on Pinterest
Share with your friends










Submit
Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close