اسلام آباد
راحیل شریف اسلامی افواج کے سربراہ، وزیر دفاع کی سینیٹ میں طلبی
چیئرمین سینیٹ رضا ربانی نے وزیر دفاع خواجہ آصف کو کل اس بات پر بریفنگ کیلئے طلب کرلیا کہ جنرل ریٹائرڈ راحیل شریف اسلامی کولیشن فورسز کے سربراہ کیسے بن گئے؟
چیئرمین سینیٹ رضا ربانی نے کہا ہے کہ ایوان کو یہ بتایا جائے کہ ریٹائرڈ افسر کن رولز کے تحت ملازمت کر سکتا ہے؟ کیا جنرل ریٹائرڈ راحیل شریف نے ایسا کرنے سے پہلے اجازت لی؟
انہوں نے یہ سوال بھی کیا ہے کہ کیا سابق آرمی چیف کو کوئی این او سی جاری کیا گیا؟ این او سی جاری کیا گیا تو کس نے جاری کیا؟ کیا سابق آرمی چیف کی تعیناتی پر وفاقی حکومت کو اعتماد میں لیا گیا؟ مشیر خارجہ مطلع کریں کہ اس تعیناتی کے کیا مضمرات ہوسکتے ہیں؟
