اسلام آباد

آج ہم وہ چیزیں کررہےہیں جوہمیں 50سال پہلےکرنی چاہیےتھی، وزیراعظم عمران خان

اسلام آباد : وزیراعظم عمران خان کا کہنا ہے کہ آج ہم وہ چیزیں کررہےہیں جوہمیں 50سال پہلےکرنی چاہیےتھی ، پانی کی قلت پر قابو پانے کے لئے 10 ڈیم بنائے جارہے ہیں، صرف الیکشن سامنے رکھ کر منصوبہ بندی کریں تو ملک آگے نہیں جاسکےگا۔

 

 

 

 

تفصیلات کے مطابق وزیراعظم عمران خان نے گرین یوروکےباضابطہ اجراکی تقریب سے خطاب کرتے ہوئے کہا گرین یورو کے باضابطہ اجراپرمبارکباد دیتاہوں، پاکستان کی سب سے بڑی کمزوری عملدرآمد کی ہے۔

 

وزیراعظم کا کہنا تھا کہ مہمند اور بھاشا ڈیم منصوبے پرپیشرفت پر خراج تحسین پیش کرتاہوں، آج ہم وہ چیزیں کررہےہیں جوہمیں 50سال پہلےکرنی چاہیےتھی ، 60کی دہائی میں پاکستان میں لانگ ٹرم پلاننگ ہورہی تھیں، ہم جب بڑے ہورہےتھے تو یہ تمام ایشین ٹائیگرزہم سے پیچھےتھے، ہم منصوبے شروع کردیتے ہیں مگر ان پر عملدرآمد سست ہوتاہے۔

 

عمران خان نے کہا 60 کی دہائی میں پاکستان میں جواعتماد تھا وہ آہستہ آہستہ نیچےجاتا رہا، پاکستان 1985کے بعد نیچے جانا شروع ہوا،بھارت آگے نکل گیا، پچھلے 30سال بنگلادیش بھی پاکستان سےآگے نکل گیا۔

 

ان کا کہنا تھا کہ انشااللہ اگلے 10سال میں 10ڈیمز بن رہےہیں، ان ڈیمز کےذریعے کلین بجلی پیدا ہوگی، ہمیں آج سے ہی آنیوالی نسلوں کیلئے سوچنا چاہیے، صرف الیکشن سامنے رکھ کر منصوبہ بندی کریں تو ملک آگے نہیں جاسکےگا، مستقبل کےلئے آپ کو لانگ ٹرم پلاننگ کرنے کی ضرورت ہوتی ہے۔

 

وزیراعظم نے کہا کےپی میں 5سالوں میں ایک ارب درخت لگائے تھے،2018سے اب تک ملک میں اب تک ایک ارب درخت لگ چکے ہیں, پورااعتماد ہے کہ 2023 تک ہم 10ملین ٹری پروگرام مکمل کرلیں گے اور10ارب درخ لگنےسے آلودگی میں کمی اور سیاحت کو فروغ ملےگا۔

 

عمران خان کا مزید کہنا تھا کہ ہم 15نئے نیشنل پارکس بنارہےہیں جس کیلئے اقدامات جاری ہیں، ہمارے شہروں میں آلودگی میں اضافہ ہورہاہے۔

 

یکساں نصاب تعلیم کے حوالے سے ان کا کہنا تھا کہ ملک بھر میں تعلیم کےلئے ایک نصاب لیکر آرہے ہیں، ملک میں تعلیم کے 3مختلف کلچر سے بہت بڑے اثرات پڑرہے ہیں، دینی مدارس کو پہلی بار قومی دھارے میں لارہےہیں، اسٹیک ہولڈرز کی مشارت سے تعلیم کا یکساں نصاب لارہےہیں۔

 

ہیلتھ کارڈ سے متعلق وزیراعظم نے کہا پنجاب میں سال کےآخر تک تمام خاندانوں کےپاس ہیلتھ کارڈ ہوگا،ہیلتھ کارڈ سے پرائیوٹ سیکٹرز کے اسپتالوں کا جال بچھے گا، یہ صرف ہیلتھ کارڈ نہیں بلکہ ہیلتھ سسٹم ہے۔

 

یہ بھی پڑھیں : وفاقی وزیرخزانہ شوکت ترین،یورو بانڈ کی کامیابی وزیراعظم پراعتماد کامظہرہے

 

عمران خان کا کہنا تھا کہ قرضے اس وقت اتریں گے جب ہماری آمدنی بڑھےگی، راوی منصوبہ ،لاہوربزنس سینٹر،بنڈل آئی لینڈ کراچی بڑےاہم منصوبےہیں، زراعت ملک کی ریڑھ کی ہڈی ہے اس میں بھی ریکارڈ اضافہ ہوا، پاکستان میں اتنی گائے بھینسیں ہیں مگر ہم دودھ امپورٹ کرتے ہیں،حکومت کی ساری چیزیں لانگ ٹرم کی طرف جارہی ہیں۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close