More share buttons
Share with your friends










Submit
کشمیر

کشمیریوں کا قتل عام بھارتی حکومت کا منصوبہ ہے، میر واعظ عمر فاروق

Share on Pinterest
Share with your friends










Submit

سری نگر: جموں و کشمیر کل جماعتی حریت کانفرنس (م) کے چیئرمین میرواعظ عمر فاروق نے کہا ہے کہ مقبوضہ کشمیر کو ایک قتل گاہ میں تبدیل کردیا گیا ہے۔ انہوں نے کہا کہ بھارتی حکومت ایک منظم منصوبے کے تحت ہمارے نوجوانوں کو چُن چُن کر قتل کررہی ہے۔ سرینگر میں اپنی گرفتاری سے قبل میرواعظ عمر فاروق نے میڈیا سے بات کرتے ہوئے کہا کہ کشمیر کو ایک قتل گاہ میں تبدیل کردیا گیا ہے۔ انہوں نے کہا کہ اب اس بات میں کوئی بھی امتیاز نہیں ہے، بچے، جوان، بزرگ یہاں تک کہ حاملہ خواتین کو بھی نشانہ بنایا جارہا ہے۔

میرواعظ عمر فاروق نے کہا کہ جب کشمیریوں کو مارنا اور انہیں قتل کرنا حکومت کی پالیسی ہو تو حکومتی سطح پر کمیشن کا قیام اور تحقیقات کا اعلان ایک بے معنی عمل ہے۔ انہوں نے کہا کہ ہمارا مطالبہ ہے کہ تمام قتل عام کے واقعات کی بین الاقوامی ایجنسیوں کے ذریعے غیر جانبدارانہ طور پر تحقیقات کرکے حقائق منظر عام پر لائے جائیں اور بھارتی حکومت کو انصاف کے کٹہرے میں کھڑا کیا جائے۔ میرواعظ عمر فاروق نے کہا کہ جس طرح سے دفعہ 35 اے کے تحفظ کے حوالے سے پوری قوم کے تمام طبقوں نے متحد اور یک زبان ہوکر اس کی مزاحمت کی اور اپنی بھرپور یکجہتی کا اظہار کیا ہے، اسی طرح ہمیں کشمیریوں کی نسل کشی کو رکوانے کے لئے اب ایک آواز اور متحد ہونا از حد ضروری ہے تاکہ بھارت کے کشمیریوں کی نسل کشی کے ناپاک عزم کو ناکام بنایا جاسکے۔

Share on Pinterest
Share with your friends










Submit
Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close