بیت المقدس معاملہ، جماعت اسلامی کا پشاور میں امریکی قونصلیٹ کے گھیراؤ کا اعلان

پشاور: امیر جماعت اسلامی ضلع پشاور و سابق ممبر قومی اسمبلی صابر حسین اعوان نے بیت المقدس کو اسرائیلی دارالخلافہ قرار دینے کے خلاف 15 دسمبر کو پشاور میں امریکی قونصلیٹ کے گھیراؤ کا اعلان کردیا۔ امیر جماعت اسلامی پشاور صابر حسین اعوان نے کہا ہے کہ 15 دسمبر بروز جمعہ پشاور صدر میں 3 بجے جلسہ ہوگا جس کے بعد جماعت اسلامی کے کارکنان اور پشاور کے غیور عوام امریکی قونصلیٹ کی طرف ریلی نکالیں گے اور قونصلیٹ کا گھیراؤ کریں گے۔ انہوں نے کہا کہ قونصلیٹ کے گھیراؤ کیلئے اجلاس میں لائحہ عمل طے کیا جائے گا۔