Featuredخیبر پختونخواہ

مہمند ایجنسی میں بارودی سرنگ ہٹاتے ہوئے پاک فوج کے کیپٹن ضرغام فرید شہید

پشاور: فرض کی ادائیگی کے دوران دھرتی کے ایک اور بیٹے کیپٹن ضرغام فرید مہمند ایجنسی میں شہید ہوگئے۔ ترجمان پاک فوج میجر جنرل آصف غفور کے مطابق مہند گھاٹ، ضلع مہمند میں بارودی سرنگ کو ہٹاتے ہوئے کیپٹن ضرغام فرید نے جام شہادت نوش کیا جب کہ واقعے میں بم ڈسپوزل اسکواڈ کے سپاہی ریحان شدید زخمی ہو گئے۔

آئی ایس پی آر کا کہنا ہے کہ شہید کیپٹن ضرغام کی نماز جنازہ پشاور کینٹ میں ادا کی گئی جس میں گورنر کے پی، صوبائی وزراء، کور کمانڈر پشاور، آئی جی ایف سی خیبرپختونخوا اور ڈی جی آئی ایس پی آر سمیت بڑی تعداد میں جوانوں نے شرکت کی۔

آئی ایس پی آر نے بتایا کہ شہید کیپٹن ضرغام کا جسد خاکی ان کے آبائی علاقے روانہ کردیا گیا ہے جہاں پورے فوجی اعزاز کے ساتھ تدفین کی جائے گی۔ ڈی جی آئی ایس پی آر کے مطابق کہ شہید کیپٹن ضرغام کی عمر 25 برس تھی اور تعلق سرگودھا سے تھا جب کہ وہ غیر شادی شدہ تھے۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close