بہاولنگر : تھانے میں ایس ایچ او کے سامنے لیڈی ڈاکٹر پر تشدد ، سوشل میڈیا پر وائرل
بہاولنگر : پنجاب کے ضلع بہاولنگر کے علاقے ہارون آباد کے ایس ایچ او کے سامنے ایک شخص نے لیڈی ڈاکٹر کو شدیدتشدد کا نشانہ بنا ڈالا۔
مریم حسین نامی لیڈی ڈاکٹر پر تشدد کی ویڈیو سوشل میڈیا پر وائرل ہو رہی ہے جس میں دیکھا جا سکتا ہے کہ سفید قمیص شلوار میں ملبوس ایک شخص خاتون کو مار رہا ہے۔
A lady doctor is being beaten up by three unruly men in @PunjabPolicePaK SHO office in Haroonabad (Bahawalnagar). No one is listening to this civil servant. @rpobahawalpur @CS_Punjab @HamzaSS @Dpobahawalnagar may look into her case. pic.twitter.com/Q7YC6LJM7E
— Zahid Gishkori (@ZahidGishkori) June 29, 2022
ویڈیو میں یہ بھی دیکھا جاسکتا ہے کہ مار پیٹ کے دوران خاتون زمین پر گر جاتی ہے جس کے بعد وہ بھی مزاحمت کرتی ہے، ایس ایچ او سمیت آفس میں موجود دیگر لوگ بیچ بچاؤ کرواتے ہیں۔
لیڈی ڈاکٹر پر تشدد کرنے والے شخص کو ایس ایچ او تھپڑ مار کر آفس سے باہر نکال دیتا ہے۔
تشدد کا شکار ہونے والی لیڈی ڈاکٹر مریم حسین کا ویڈیو پیغام بھی سامنے آیاہے جس میں متاثرہ خاتون کا کہنا ہے کہ میرے شوہر کے ساتھ نجی معاملات کی وجہ سے ان کے کہنے پر مجھے 24 جون کو ہارون آباد پولیس اسٹیشن میں تشدد کا نشانہ بنایا گیا۔
A lady surgeon doctor Marriam Hussain, thrashed by men in office of SHO Haroonabad police station, faces life threat. Listen to her video message pls@OfficialDPRPP pic.twitter.com/0wwW6oeIym
— Zahid Gishkori (@ZahidGishkori) June 29, 2022
لیڈی ڈاکٹرنے کہا ہے کہ میں گھریلو تشدد کا شکار تھی، میرے شوہر آئس کا نشہ کرتے تھے، میرے شوہر نے مجھے تھانے آنے کا کہا اور غنڈے بھیج کر مجھے مار پڑوائی، تشدد کے دوران میری ہڈیاں بھی ٹوٹ گئی ہیں۔
خاتون کا مزید کہنا تھا کہ تشدد کے بعد مجھے اب تک انصاف نہیں ملا، میں چار بچوں کے ساتھ اکیلی رہتی ہوں اور میری جان کوخطرہ ہے، میری حکام بالا سے گزرش ہے کہ فوری ان ملزمان کو گرفتار کیا جائے۔
