پنجاب

پنجاب حکومت کو وفاق سے بڑا ریلیف مل گیا

لاہور: وفاق نے پنجاب کو 5 لاکھ ٹن امپورٹڈ گندم فراہم کرنے کا فیصلہ کر لیا۔

پنجاب کو ممکنہ طور پر آئندہ ماہ سے گندم فراہمی شروع ہونے کا امکان ہے۔ اقتصادی رابطہ کمیٹی کے آئندہ اجلاس میں باضابطہ منظوری دی جائے گی۔

محکمہ خوراک پنجاب نے کراچی سے امپورٹڈ گندم کی ترسیل کی تیاریاں شروع کردیں۔ آئندہ چند روز میں ٹرانسپورٹیشن اور باردانہ خریداری کے ٹینڈر جاری ہوں گے۔
پنجاب نے پہلے 10 لاکھ ٹن مقامی گندم فراہم کرنے کی درخواست کی تھی۔ وفاق کے انکار کے بعد پنجاب نے 5 لاکھ ٹن امپورٹڈ گندم دینے کی نئی درخواست دی۔

وفاق سے گندم ملنے کے بعد پنجاب میں سرکاری ذخائر مستحکم ہوں گے پنجاب کے پاس33 لاکھ ٹن گندم موجود ہے جو اپریل تک کیلئے ناکافی تھی۔ وافر گندم سٹاک کی بنیاد پر محکمہ خوراک دسمبر میں ملز کا کوٹہ مزید بڑھا دے گا۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close