جب تک قوم کی تقدیر نہیں بدل دیں گے آرام سے نہیں بیٹھیں گے

لاہور: جو پرچیاں بڑھ کر چیزوں کی قیمت بتاتا تھا آج اسے مہنگائی کا احساس ہو رہا ہے

مریم نواز کا کہنا ہے کہ نواز شریف وطن واپسی کے لیے تیاری کررہے ہیں، عمران خان اور حواریوں کے ساتھ جو ہوگا وہ مکافات عمل ہوگا۔

مریم نواز کا کارکنوں سے خطاب کرتے ہوئے کہنا تھا کہ سب کو نواز شریف کی طرف سے سلام ، آپ کا اور میرا محبوب قائد بہت جلد آپ کے درمیان موجود ہوگا، جب تک قوم کی تقدیر نہیں بدل دیں گے آرام سے نہیں بیٹھیں گے۔

جب تک قوم کی تقدیر نہیں بدل دیں گے آرام سے نہیں بیٹھیں گے

نوازشریف کے خلاف سازش کرنے والے سارے کردار اپنے انجام کو پہنچے

مجھے احساس ہے ملک میں مہنگائی ہے لیکن قوم سے کہنا ہے قوم کو پہلے بھی تین مرتبہ مشکلات سے نکالا انشاءاللہ ایک مرتبہ پھر ترقی کرتا پاکستان واپس آئے گا pic.twitter.com/lXAqvfkU19

— PML(N) (@pmln_org) January 28, 2023

مریم نواز کا کہنا تھا کہ نوازشریف کیخلاف سازش کرنے والے کردار سب سامنے آرہے ہیں، نواز شریف، شہباز شریف اور مریم نواز نے آپ سے انتقام نہیں لیا، ترقی کرتے ہوئے پاکستان سے نواز شریف کو نکالا گیا جو قومی سانحہ تھا، 28 جولائی پاکستان کا بہت بڑا سانحہ تھا، نواز شریف اس بار پہلے سے زیادہ طاقت کے ساتھ واپس آئیں گے، عمران خان اور حواریوں کے ساتھ جو ہوگا وہ مکافات عمل ہوگا۔

انہوں نے کہا کہ نوازشریف کو احساس ہے کہ ملک میں مہنگائی ہے، 8 ماہ کا حساب بعد میں ہوگا، پہلے چار سال کا حساب دینا ہوگا، تم اللہ کے حساب و کتاب کا نشانہ بنے ہو، جو پرچیاں بڑھ کر چیزوں کی قیمت بتاتا تھا آج اسے مہنگائی کا احساس ہو رہا ہے، الیکشن میں مسلم لیگ ن بھاری اکثریت سے جیتے گی۔