پنجاب

گزشتہ روز زمان پارک سے گرفتار شر پسندوں کے اہم انکشافات

 لاہور: زمان پارک سے گرفتار 8 شر پسندوں نے پی ٹی آئی کی اہم لیڈر شپ سے رابطوں کا اعتراف کیا ہے

پولیس ذرائع کا کہنا ہے کہ تمام ملزمان کے رہنماؤں سے فون نمبرز اٹیچ ہو گئے ہیں، ملزم بخت عالم شانگلہ، ممتاز مردان کا رہنے والا ہے، کے پی میں رہنماؤں سے رابطے میں تھے۔

ذرائع نے دعویٰ کیا ہے کہ گرفتار 8 شر پسندوں نے پی ٹی آئی کی اہم لیڈر شپ سے رابطوں کا اعتراف کیا ہے، تمام شر پسند لیڈر شپ سے ہدایات لے رہے تھے۔

پولیس ذرائع نے بتایا ہے کہ سوات کا عزیز الغنی بھی کے پی سے ہدایات لیتا رہا، مصری شاہ کا اعجاز، اچھرہ کا عبدالغفور، شاہدرہ کا زوہیب اعجاز چوہدری سے ہدایات لے رہے تھے۔

پولیس ذرائع کا مزید کہنا ہے کہ شالیمار کا نبیل اور سیالکوٹ کا حنزلہ بھی مسلسل ہدایات لے رہے تھے۔

پولیس ذرائع نے یہ بھی بتایا ہے کہ ملزم نے انکشاف کیا ہے کہ انہوں نے توڑ پھوڑ اور پُرتشدد کارروائیوں میں استعمال کیے جانے والے ڈنڈے ٹمبر مارکیٹ سے بنوا کر رکھے ہوئے تھے۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close