جیت کا جشن کیوں منایا، لیگیوں کی فائرنگ، پی ٹی آئی کارکن جاں بحق

مسلم لیگ ن کے کارکنوں کی فائرنگ سے جشن مناتے تحریک انصاف کا ایک کارکن جاں بحق ، تین زخمی ہوگئے ۔ پولیس نے تحقیقات شروع کردی ہیں۔ لودھراں میں تحریک انصاف کی الیکشن میں واضح برتر ی حاصل کرنے کی خوشی میں تحریک انصاف کے کارکنوں نے جشن منانا شروع کردیا جس پر مسلم لیگ ن کے کارکنوں نے غصہ میں آکر تحرکی انصاف کے کارکنوں پر فائرنگ کردی ۔ فائرنگ کے نتیجے میں تحریک انصاف کا ایک کارکن جاںبحق جبکہ تین زخمی ہوگئے ۔ جاں بحق اور زخمی ہونیوالوں کو ہسپتال منتقل کردیاگیا ہے جہاں پر دوکارکنوں کی حالت انتہائی تشویشناک بیان کی جارہی ہے ۔پولیس نے واقعہ کی تحقیقات شروع کردی ہیں۔