صفحہ اول پاکستان پنجاب حکمران 71 سال سے بار بار قوم کو دھوکہ دے رہے ہیں، سراج الحق

حکمران 71 سال سے بار بار قوم کو دھوکہ دے رہے ہیں، سراج الحق

54 second read
0
0
Share on Pinterest
Share with your friends










Submit

لاہور: امیرِ جماعتِ اسلامی پاکستان سینیٹر سراج الحق نے لاہور میں تقریب سے خطاب کرتے ہوئے کہا کہ نئی صبح کی تلاش میں ماری ماری پھرنیوالی قوم کو حکمرانوں نے 71 سال میں بار بار دھوکہ دیا۔ عوام نے تبدیلی کے خوشنما نعروں اور دعوﺅں سے آنیوالی نئی حکومت کو بھی دیکھ لیا جس نے 110 دنوں میں مہنگائی کے علاوہ عوام کو کچھ نہیں دیا، موجودہ حکومت کے دور میں شرح سود بڑھی، درآمدات میں اضافہ اور برآمدات میں کمی ہوئی اور مایوسی کے بادل مزید گہرے ہوگئے، جب حکمرانوں کو ان کے وعدے یاد لائے جاتے ہیں تو وہ کہتے ہیں کہ شادی اور الیکشن سے پہلے کیے گئے وعدے پورے کرنے کیلئے نہیں ہوتے۔ وزیراعظم نے ایک نیا فلسفہ دیا ہے کہ اچھا اور بڑا آدمی وہی ہوتا ہے جو یوٹرن کا ماہر ہو، یوٹرن کا مطلب یہ ہے کہ وعدہ پورا نہ کرو، رات گئی بات گئی، جب حکمران اپنی قوم سے وعدہ پورا نہیں کرتے تو باہر کی دنیا ان پُراعتماد کیسے کرے گی۔

سراج الحق نے کہا کہ دھوم دھام سے آنیوالے معاشی افلاطون وزیراعظم کو معیشت کی بہتری کیلئے عجیب عجیب مشورے دے رہے ہیں، معیشت کی ترقی کا پہلا قدم علم کی روشنی پھیلانا ہے، وزیراعظم نے سکولوں سے باہر قوم کے اڑھائی کروڑ نونہالوں کی تعلیم کیلئے کچھ کیا ہوتا تو آج قوم ان پر فخر کرتی، خوشحالی کیلئے انصاف کو یقینی بنانا ہوگا۔ چیف جسٹس انصاف دے دیں تو یہ ہنر مند قوم ریت کو نچوڑ کر باغ و بہار پیدا کرنے کی صلاحیت رکھتی ہے، 51 فیصد خواتین کیلئے بین الاقوامی معیار کی یونیورسٹی بنائی جائے، بینک خواتین کو بلاسود قرضے دیں اور وراثت میں خواتین کے حق کو یقینی بنایا جائے، خواتین پر تشدد کرنیوالا اپنی بزدلی کا مظاہرہ کرتا ہے۔

Share on Pinterest
Share with your friends










Submit
مزید مماثل خبریں

Leave a Reply

Your email address will not be published. Required fields are marked *

Check Also

پنجاب میں شدید دھند کے باعث موٹروے ٹریفک کیلئے بند، اہم ہدایات جاری

پنجاب کے مختلف شہروں میں شدید دھند کے باعث لاہورسے پنڈی بھٹیاں تک موٹروے ٹریفک کیلئے بند ک…