نواز شریف کی تھیلیم سکین رپورٹ، انکے دل کا مسئلہ کیا ہے؟ ڈاکڑ کا جواب

 نوازشریف کی تھیلیم سکین کی رپورٹ سامنے آ گئی ہے جسے ڈاکٹرز کی جانب سے غیر تسلی بخش قرار دیا گیا ہے ۔

تفصیلات کے مطابق نوازشریف کی تھیلیم سکین کی رپورٹ آ گئی ہے جسے ڈاکٹرز نے غیر تسلی بخش قرار دیدیا ہے ، رپورٹ کے مطابق نوازشریف کی دل کی ایک شریان معمول سے زیادہ تنگ ہے ، شریان میں رکاوٹ کے باعث دل کے نچلے حصے میں خون کی سپلائی متاثر ہے ۔

یہاں یہ امر بھی قابل ذکر ہے کہ نوازشریف کے ذاتی معالج ڈاکٹر عدنان بھی ان کی طبیعت کے حوالے سے کافی پریشان دکھائی دیتے ہیں اور مطالبہ کر رہے ہیں کہ انہیں ہسپتال داخل کیا جائے ۔

ڈاکٹر عدنان کاکہنا تھا کہ علامہ اقبال میڈیکل کالج اور جناح اسپتال کے ڈاکٹرز پر مشتمل میڈیکل بورڈ کی سفارشات ہمیں کل موصول ہوئیں ہیں جس میں میڈیکل بورڈ نے نواز شریف کو اسپتال میں داخل کرنے کی سفارش کی تھی۔نواز شریف کو اسپتال میں داخل نہ کرکے صحت کو خطرے میں ڈال دیا گیا ہے۔