تحریک انصاف چھوڑنے کا کوئی ارادہ نہیں: صدر پی ٹی آئی سندھ

میں تحریک انصاف جب چھوڑوں گا تب عمران خان چھوڑیں گے

17 مئی 2023

0 11

کراچی: لیڈر بس عمران خان ہے جب تک عمران زندہ ہے پارٹی چھوڑنے کا سوال ہی نہیں پیدا ہوتا

رہنما پی ٹی آئی علی زیدی نے کراچی میں میڈیا سے گفتگو کرتے ہوئے کہا کہ میں نے درخواست دی تھی کہ کمر میں 4دن سے تکلیف تھی، اسپتال میں میڈیکل چیک اپ کی درخواست دی تھی ، یہ تو جیکب آباد لے جارہے تھے شکر گزار ہوں گھر میں نظر بند کیا گیا۔

علی زیدی نے کہا کہ جو تماشا ٹی وی پر چلا اس کی شدید مذمت کرتا ہوں ،عمران خان نے ہمیشہ دہشت گردی سے دور رہنے کی تلقین کی ، میں عمران خان کو سیاستدان مانتا ہوں لیڈرتو وہی ہے ، میں تحریک انصاف جب چھوڑوں گا تب عمران خان چھوڑیں گے۔

انھوں نے مزید کہا کہ میں تحریک انصاف جب چھوڑوں گا تب عمران خان چھوڑیں گے، اختلاف سب میں ہوسکتا ہے،فوج ہماری ہے اور ہم فوج کے ہیں، پرامن احتجاج سب کاآئینی حق، پرتشدد مظاہرے قبول نہیں۔پرُتشدد مظاہرے کرنے والوں کیخلاف کارروائی ہونی چاہیے۔