سندھ
ایڈمرل ظفر محمود عباسی پاک بحریہ کے نئے سربراہ مقرر
کراچی: ایڈمرل ظفر محمود عباسی کو پاک بحریہ کا نیا سربراہ مقرر کردیا گیا ہے۔ پاک بحریہ کے سربراہ ایڈمرل ذکاء اللہ 6 اکتوبر کو ریٹائر ہو جائیں گے۔ جس کے پیش نظر وزیراعظم شاہد خاقان عباسی نے مسلح افواج کے سپریم کمانڈر صدر مملکت ممنون حسین کو وائس ایڈمرل ظفر محمود عباسی کو پاک بحریہ کا نیا سربراہ مقررکرنے کی سمری بھجوائی تھی۔ صدر ممنون حسین نے وائس ایڈمرل ظفر محمود عباسی کی تعیناتی کی منظوری دے دی ہے۔ ظفر محمود عباسی پاک بحریہ کی سنیارٹی لسٹ میں سرفہرست ہیں۔ ظفر محمود عباسی سروس کے دوران اہم کمانڈ اور اسٹاف پوزیشنز پر تعینات رہے ہیں جب کہ اس وقت نیول ہیڈ کوارٹر میں چیف آف اسٹاف کے عہدے پر تعینات ہیں۔
