سندھ

”عامر خان مجھے ٹکٹکی باندھ کر دیکھتے رہتے تھے اور ۔۔۔ “ ایم کیو ایم کی سابق رہنما ارم عظیم فاروقی نے انتہائی شرمناک انکشاف کردیا

کراچی: ایم کیو ایم کی سابق رہنما ارم عظیم فاروقی نے بھی نیا پنڈورا باکس کھول دیا۔ کہتی ہیں کہ ایم کیو ایم رہنما عامر خان انہیں ٹکٹکی باندھ کر دیکھتے رہتے تھے جبکہ ایم کیو ایم بہادر آباد کے سربراہ خالد مقبول صدیقی امریکہ میں قیام کے دوران جہاں بھی رہتے وہیں رشتہ بھجوادیتے تھے۔

اپنے ایک ویڈیو پیغام میں ارم عظیم فاروقی نے الزام عائد کیا کہ عامر خان انہیں ٹکٹکی باندھ کر دیکھتے رہتے تھے ،ان کی اس حرکت پر انہوں نے حیدرعباس رضوی سے شکایت بھی کی تھی۔ انہوں نے خالد مقبول صدیقی کے بارے میں کہا کہ وہ امریکہ میں جہاں رہتے وہاں رشتہ بھیجوا دیا کرتے تھے۔

ارم عظیم فاروقی نے کہا کہ ایک وقت تھا تحریک میں کارکنان عزت دیتے تھے۔ جب عامر خان نے دوبارہ پارٹی جوائن کی تو وہ انہیں نہیں جانتی تھیں، ’جب میں رابطہ کمیٹی جاتی تو یہ ایسی باتیں کرتے کہ میں کوئی رد عمل دوں، یہ لیڈیز پرگندی نظر رکھتے تھے‘۔

انہوں نے عامر خان کو مخاطب کرکے کہا کہ ’عامر خان اپنی نظروں کو اپنے پاس رکھو، میں کراچی میں ہوں سامنے آجاﺅ، میں تمہیں بتاﺅں گی تمہاری اوقات کیا ہے‘۔ انہوں نے کہا کہ ایم کیو ایم بہادرآباد والے گلی کے غنڈے ہیں ، وہ وقت دور نہیں ہے جب چند لوگوں کی وجہ سے اس پارٹی پر بھی پابندی لگ جائے گی۔ پی آئی بی اور بہادرآباد والے ایک نہیں ہوسکتے۔

۔۔۔ ویڈیو دیکھیں ۔۔۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close