سندھ

وفاق ملکی مسائل کے حل کیلئے سنجیدگی دکھائے، مرتضی وہاب

کراچی: مشیر اطلاعات سندھ مرتضیٰ وہاب کا کہنا ہے پی ٹی آئی کی حکومت آنے کے بعد سے ملک میں سیاسی اسموگ چھائی ہوئی ہے، وفاق ملکی مسائل کے حل کیلئے تھوڑا سا سنجیدہ ہوجائے۔ صوبائی وزیر سعید غنی اور مشیر اطلاعات مرتضیٰ وہاب نے سندھ اسمبلی اجلاس سے قبل میڈیا سے بات چیت کی۔ سعید غنی نے کہا کہ تجاوزات کے خلاف آپریشن جاری رہے گا، خالد بن ولید روڈ پر کمرشل سرگرمیوں کا نوٹس لیا ہے، گھریلو علاقوں میں تجارتی سرگرمی نہیں ہونی چاہیئے۔ انہوں نے کہا کہ قوم کو بتایا جائے کہ اکاونٹ میں کس نے پیسے ڈالے مجھے بھی پتہ ہے، ایف آئی اے والوں کے منہ سے سننا چاہتا ہوں، آصف علی زرداری کا نام تو لے لیتے ہیں دوسروں کے نام بھی لے کر دکھائیں۔

مشیر اطلاعات سندھ مرتضٰیٰ وہاب کا کہنا تھا کہ حیرت ہے کہ پنجاب کے وزیر سندھ پر تنقید کرتے ہیں، انہیں اپنی کارکردگی بتانے کے لئے کوئی ایشو نہیں، مجھے تو پی ٹی آئی حکومت کا حال برا نظر آرہا ہے، پی ٹی آئی حکومت بننے کے بعد سے ملک میں سیاسی دھند ہے۔ ان کا مزید کہنا تھا کہ گورنر سندھ کو اگر انگریزی پر عبور نہیں تو اردو میں لکھ دیں، عمران اسماعیل سے درخواست ہے کہ غلط انگریزی لکھنے کے بجائے اردو یا سندھی میں ٹوئٹ کر دیا کریں۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close