صفحہ اول Featured اپنے ملک کے دفاع کے لئے ہر قدم اٹھائیں گے: صدر مملکت عارف علوی

اپنے ملک کے دفاع کے لئے ہر قدم اٹھائیں گے: صدر مملکت عارف علوی

54 second read
0
0
Share on Pinterest
Share with your friends










Submit

کراچی: صدر مملکت ڈاکٹر عارف علوی کا کہنا ہے کہ ہمارے ہتھیار دفاع کے لیے ہیں اور اپنے ملک کے دفاع کے لیے ہر قدم اٹھائیں گے۔ کراچی میں منعقدہ دفاعی نمائش ‘آئیڈیاز 2018’ کی افتتاحی تقریب سے خطاب کرتے ہوئے صدر مملکت نے کہا کہ نمائش کے انعقاد پر انتظامیہ کو مبارکباد پیش کرتا ہوں۔

صدر عارف علوی نے کہا کہ دہشت گردی کے خاتمے میں پاک فوج کا کردار انتہائی اہم ہے جو دہشت گردوں کے خلاف سیسہ پلائی دیوار ہے، دہشت گردی کے خلاف پاکستانی فوج دنیا کی تجربہ کار ترین فورس ہے اور اہمیں اس  کے شہدا پر فخر ہے۔

صدر مملکت کا کہنا تھا کہ دہشتگردوں نے ہماری معیشت کو بہت نقصان پہنچایا، افغان جنگ کے 32 لاکھ متاثرین کو پاکستان میں پناہ دی گئی، پاکستان کی معیشت کو اپنے پاؤں پر کھڑا کرنے کی ہر ممکن کوشش کررہے ہیں۔

ڈاکٹر عارف علوی نے کہا کہ پاکستان ایک پُر امن ملک ہے جہاں آئین عام شہری کو ہر قسم کا تحفظ فراہم کرتا ہے، عوام کی فلاح و بہبود اور ان کا تحفظ حکومت کی ذمے داری ہے، حکومت نئے پاکستان کے حصول کی راہ پر گامزن ہے۔

انہوں نے کہا کہ پاکستان جغرافیائی لحاظ سے اہم مقام پر واقع ہے اور ہم علاقائی تنازعات کا مذاکرات کے ذریعے حل چاہتے ہیں، خطے کی ترقی علاقائی امن و امان سے وابستہ ہیں اور خطے کے مسائل جنگ سے نہیں مذاکرات سے حل ہوں گے۔

صدر مملکت کا کہنا تھا کہ بھارت کو مذاکرات کی میز پر آنا ہوگا، طاقت کے زور پر کشمیریوں کے حقوق کو نہیں دبایا جاسکتا۔ ڈاکٹر عارف علوی نے کہا کہ ہماری امن کی کوششوں کو کمزوری نہ سمجھا جائے، مسائل کو دبانے کے بجائے انہیں حل کیا جائے۔

Share on Pinterest
Share with your friends










Submit
مزید مماثل خبریں

Leave a Reply

Your email address will not be published. Required fields are marked *

Check Also

کفایت شعاری نظرانداز؛ وزراء کی رہائشگاہوں کی تزئین وآرائش کیلیے کروڑوں کا مطالبہ

اسلام آباد: تحریک انصاف حکومت کی جانب سے ایک جانب کفایت شعاری کے دعوے کئے جارہے ہیں تو دوس…