ماضی کے پاپ سنگر جنید جمشید کا انکشاف

معروف مذہبی شخصیت اور ماضی کے پاپ سنگر جنید جمشید نے انکشاف کیا ہے کہ جے جے برانڈ کے آغاز کا محرک شاہ رخ خان اور سلمان خان تھے ۔

تفصیلات کے مطابق جنید جمشید نے ایک نجی ٹی وی چینل پر انکشاف کیا کہ ان کا جے جے برانڈ کھولنے کی وجہ سلمان اور شاہ رخ خان تھے ۔ ایک واقعہ سناتے ہوئے ان کا کہنا تھا کہ ایک مرتبہ جب وہ لندن میں کنسرٹ کر رہے تھے تو وہاں موجود شاہ رخ اور سلمان خان نے انہیں طعنہ دیا کہ پاکستان میں کپڑوں کا کوئی اچھا برانڈ موجود نہیں ہے ، جنہیں پہن کر اسٹیج پر جایا جا سکے ۔ مجھے ان کا یہ طعنہ بہت برا لگا اور میں نے جے جے برانڈکو متعارف کروایا جسے اللہ کے فضل سے دن دوگنی رات چگنی شہرت نصیب ہوئی ہے