ایم کیوایم کا اندرون سندھ دہشت گردی کیلئے بنایا جانیوالا بڑا نیٹ ورک گرفتار

کراچی : کاؤنٹر ٹیررازم ڈپارٹمنٹ (سی ٹی ڈی) نے ایم کیوایم کا اندرون سندھ دہشت گردی کیلئے بنایا جانیوالا بڑانیٹ ورک بے نقاب کرتے ہوئے 3دہشت گرد کارکنوں کو گرفتار کرلیا۔

تفصیلات کے مطابق ایم کیوایم کا اندرون سندھ دہشتگردی کیلئے بنایاجانیوالابڑانیٹ ورک بے نقاب ہوگیا ، ترجمان سی ٹی ڈی نے کہا ہے کہ
حیدرآباد اور کراچی سےتعلق رکھنےوالے3دہشت گرد کارکنوں کو گرفتار کرلیا ہے ، گرفتار دہشت گردوں سےاسلحہ،ایمونیشن اوردستی بم برآمد ہوئے۔

ترجمان نے بتایا کارروائی گزشتہ رات وفاقی حساس ادارےکی مددسےلانڈھی ریلوےاسٹیشن کےقریب کی گئی ، دوران انٹیروگیشن ملزمان کےسنسنی خیز انکشافات کئے۔

سی ٹی ڈی کا کہنا تھا کہ گرفتارملزم نعیم احمدایم کیوایم حیدرآباد کا سینئرترین کارکن ہے ، ملزم نےبیرون ملک سےاعلیٰ قیادت کےحکم پردہشتگردی کیلئے گروہ تشکیل دیا، نعیم احمدنےعسکری تربیت یافتہ6رکنی گروہ تشکیل دیاتھا، گروپ میں خفیہ ایجنسی راسےعسکری تربیت یافتہ دہشتگردشامل ہیں جبکہ نعیم دہشتگردی،جلاؤگھیراؤ،پولیس اہلکاروں کےقتل،دھماکوں میں جیل جاچکاہے۔

ترجمان کا کہنا تھا کہ گرفتارملزم عمران احمد ایم کیوایم حیدرآبادکا سینئر ترین کارکن ہے، وہ سابق سیکٹرانچارج،زونل ممبر،یوسی چیئرمین رہ چکا ہے، ملزم حیدرآباد میں پرتشددکارروائیوں،جلاؤگھیراؤ،تھانےپرحملے اور پولیس اہلکارکے قتل میں ملوث ہے اور متعددبارجیل جا چکا ہے۔

حکام نے مزید بتایا کہ ملزم علیم الدین کراچی اےپی ایم ایس اوکاسینئرکارکن،راسےعسکری تربیت یافتہ ہے، گرفتارملزم پولیس اہلکاروں کوشہیدکرنے،دیگرمقدمات میں جیل جاچکاہے جبکہ اس کیخلاف اےٹی سی کراچی میں کئی مقدمات زیرسماعت ہیں۔

ملزمان نے انکشاف کیا ہے کہ ساؤتھ افریقہ سےہدایت ملی دہشتگردی کیلئےگروپ اندرون سندھ سےچلایاجائے ، دہشت گردی میں استعمال کیلئے اسلحہ،ایمونیشن،دستی بم کراچی لائےتھے۔

ترجمان نے بتایا کہ ملزمان سےبرآمداسلحےمیں کلاشنکوف،2پستول،3دستی بم،کلاشنکوف راؤنڈشامل ہوئے جبکہ ملزمان کے دیگر ساتھیوں کی گرفتاری کیلئےٹیمیں تشکیل دےدی گئیں۔