سندھ

ایوانوں میں حجت تمام ہوچکی : خالد مقبول

 کراچی: ہم 3 جولائی کو حکومت سندھ کو پہلا نوٹس دینے جارہے ہیں، اگر ووٹ فیصلہ نہیں کرے گا تو پھر روڈ فیصلہ کرے گا۔

متحدہ قومی موومنٹ پاکستان کے رہنما خالد مقبول صدیقی نے کہا ہے کہ ایوانوں میں حجت تمام ہوچکی، ہم نے سندھ اسمبلی میں احتجاج کیا۔

انہوں نے کہا کہ ہم 3 جولائی کو حکومت سندھ کو پہلا نوٹس دینے جارہے ہیں، اگر ووٹ فیصلہ نہیں کرے گا تو پھر روڈ فیصلہ کرے گا۔

خالد مقبول نے مزید کہا کہ 22 اگست نے ثابت کردیا کہ متحدہ قومی موومنٹ جذباتی نہیں نظریاتی تنظیم ہے۔

اُن کا کہنا تھا کہ لوگوں کو غلط فہمی تھی کہ ایم کیو ایم ختم ہوجائے گی، کسی کو مائنس کردینے سے سیاسی اور نظریاتی جماعت ختم نہیں ہوجاتی۔

خالد صدیقی نے یہ بھی کہا کہ مہاجر ہونا تہمت نہیں سب سے بڑا تمغہ ہے، تحریکوں کو چلانے میں جذبات فیول کا کام کرتے ہیں۔

انہوں نے کہا کہ لیڈروں کو تقسیم کرکے کوئی قوم اور جماعت کو تقسیم نہیں کرسکتا، پوچھتا ہوں، جن کو پالا پوسا اور نام دیا انہوں نے تنظیم اور قوم کو کیا دیا؟

ایم کیو ایم پاکستان کے سربراہ نے کہا کہ کچھ لوگوں کی چاہت ہے کہ افواہوں کا بازار گرم رکھا جائے، اس بار اگست میں ماہ آزادی منائیں گے۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close