سائمن ڈول کو حسن علی کی اہلیہ سامعہ پر تبصرہ مہنگا پڑ گیا
دوران کمنٹری حسن کی اہلیہ پر تبصرے پر سائمن ڈول کو صارفین نے آڑے ہاتھوں لے لیا
کمنٹیٹر سائمن بلیئر ڈول کو اسلام آباد یونائیٹڈ اور ملتان سلطانز کے میچ کے دوران فاسٹ بولر حسن علی کی اہلیہ سامعہ پر نامناسب طریقے سے تبصرہ مہنگا پڑ گیا۔
منگل کے روز یونائیٹڈ نے سلطانز کو زبردست مقابلے کے بعد 2 وکٹس سے شکست دی تاہم جیت کے موقع پر کیمرا مین نے حسن کی اہلیہ کو دکھایا جس پر سائمن ڈول نے تبصرہ کیا۔
سائمن ڈول نے سامعہ سے متعلق کہا کہ ‘وہ جیت چکی ہے، مجھے یقین ہے کہ اس (سامعہ) نے کچھ دل بھی جیت لیے ہیں، یہ شاندار ہے، بالکل شاندار اور فتح بھی’۔
سابق کیوی کرکٹر کے تبصرے کا انداز مداحوں کو پسند نہ آیا اور انہوں نے کمنٹیٹر کو تنقید کا نشانہ بنا ڈالا جب کہ چند ایک نے میمز بھی بنائیں۔
Simon Doull is all of Us right now 😂😂😂 even he is baffled by the beauty of Pakistan 😅😅🔥🔥❤️❤️ #simondoull #tiktokdown #PSL8 pic.twitter.com/08VK1KizuQ
— Adil Ali Shah (@AdilAliShah13) March 9, 2023
ایک صارف نے پاکستان کرکٹ بورڈ اور پاکستان سپر لیگ کی انتظامیہ سے سائمن ڈول کے خلاف کارروائی کا مطالبہ کیا۔
اس سے قبل سائمن ڈول نے بابر اعظم کو بھی تنقید کا نشانہ بنایا تھا۔
انہوں نے کوئٹہ گلیڈی ایٹرز کے خلاف اپنی پہلی سنچری بنانے والے پشاور زلمی کے کپتان بابراعظم سے متعلق کہا تھا کہ انہیں سنچری کے وقت رن ریٹ کو کم کرنے کے بجائے باؤنڈریز تلاش کرنے پر توجہ دینی چاہیے تھی۔
سائمن ڈول نے کہا تھا کہ بابراعظم کی اننگز اعداد و شمار کے لحاظ ہے بہترین ہے لیکن انہیں ٹیم کے لیے کھیلنے کی ضرورت ہے۔
