بائرن میونخ نے مسلسل چوتھی مرتبہ ٹائٹل جیت لیا

بائرن میونخ نے مسلسل چوتھی مرتبہ جرمن فٹبال لیگ کا ٹائٹل جیت لیا۔

جرمنی میں کھیلے جانے والے ایونٹ کے اہم میچ میں بائرن میونخ نے اینگولسڈیٹ کو بھی روند ڈالا۔ بائرن نے کھیل کے آغاز میں گول داغ کر حریف ٹیم کو دباؤ میں لے لیا۔

بتیسویں منٹ میں زیبی اولنسو کے پاس پر بائرن نے برتری کو دگنا کردیا۔ پہلے ہاف کے اختتام سے چند لمحات قبل حریف ٹیم نے خسارہ کم کر دیا۔

دوسرے ہاف میں دونوں ٹیموں کے درمیان دلچسپ مقابلہ ہوا۔ انجری ٹائم میں انگول کی ٹیم کو مقابلہ کرنے کا سنہری موقع ملا لیکن وہ ناکام ہوگئے اور بائرن نے مسلسل چوتھی مرتبہ ٹائٹل اپنے نام کرلیا۔