سوئس ٹینس اسٹار راجر فیڈرر نے اینڈی مرےکو پیچھے چھوڑ دیا

اے ٹی پی کی جانب سے جاری کی گئی رینکنگ میں سوئس ٹینس اسٹار راجر فیڈرر دوسرے نمبر پر آگئے.

تفصیلات کے مطابق اسکوٹش ٹینس اسٹار اینڈی مرے میڈرڈ ماسٹرز کے فائنل میں نوواک جوکووچ سے شکست سے صرف ٹائٹل ہی نہیں ہارے بلکہ اپنی پوزیشن کا کامیابی سے دفاع کرنے میں بھی ناکام رہے.

اسپین میں ٹینس کے فائنل میں اینڈی مرے اچھے کھیل کا مظاہرہ کرنے کے باوجود اپنی پوزیشن کو برقرار نہ رکھ سکے، میڈرڈ ماسٹرز کے فائنل مین سربین ٹینس اسٹار نوواک جوکووچ سے شکست کے بعد ٹینس کی عالمی رینکنگ میں دوسری پوزیشن سے تیسری پوزیشن پر آگئے.

سربین ٹینس اسٹار نوواک جوکووچ نے اب تک 11 بڑے مابقلے جبکہ 29 ماسٹرز ٹائٹل اپنے نام کرچکے ہیں.

آسٹریلوی ٹینس اسٹار نیک کیرگیوس میڈرڈ میں کوارٹر فائنل میں پہچنے کے بعد عالمی ٹینس رینکنگ میں ٹاپ ٹوئنٹی میں جگہ بنانے میں کامیاب ہوگئے.