شعیب اختر کو آئی پی ایل میں پاکستانی کھلاڑیوں کی کمی شدت سے محسوس ہونے لگی

پاکستان کے سابق فاسٹ بولر شعیب اختر کو انڈین پریمیئر لیگ میں قومی کھلاڑیوں کی کمی شدت سے محسوس ہونے لگی اور اس کا اظہار اسپیڈ اسٹار نے آئی پی ایل کی ایک یادگار تصویر کے ذریعے کیا۔

شعیب اختر نے سماجی رابطوں کی مائیکرو بلاگنگ ویب سائٹ ٹویٹر پر آئی پی ایل کے 2008 میں ہونے والے پہلے ایڈیشن کی ایک یادگار تصویر شائع کی جس میں وہ دلی ڈیئرڈیولز کے خلاف شاندار پرفارمنس پر شاہ رخ خان سے خوشی سے گلے مل رہے ہیں۔ ان کا کہنا تھا کہ  آئی پی ایل کے پہلے ایڈیشن میں کھیل کر بہت لطف آیا کیوں کہ اس میں پاکستانی کھلاڑی بھی شامل تھے۔