More share buttons
Share with your friends










Submit
کھیل و ثقافت

ڈبلیو ڈبلیو ای کی جانب سے رومن رینز کو سزا سنا دی گئی

Share on Pinterest
Share with your friends










Submit

رومن رینز ڈبلیو ڈبلیو ای کے مقبول ترین ریسلرز میں سے ایک ہیں اور دنیا بھر میں ان کے کروڑوں پرستار ہیں، جن کے لیے بری خبر یہ ہے کہ انہیں کمپنی کی جانب سے ریفری سے بدتمیزی پر سزا دی گئی ہے۔

ڈبلیو ڈبلیو ای کی جانب سے جاری بیان کے مطابق پیر کو منعقد ہونے والے شو را میں ریفری کے ساتھ برا سلوک کرنے پر رومن رینز کو پانچ ہزار ڈالرز جرمانے کی سزا دی گئی۔

ڈبلیو ڈبلیو ای کی پالیسی کے مطابق ریسلر کمپنی کے عہدیداران بشمول ریفری پر حملہ نہیں کرسکتے۔ مگر اس شو کے دوران رومن رینز نے اپنے انٹرکانٹی نینٹل چیمپئن شپ کے دفاع کے دوران ریفری کو نشانہ بنایا۔

ریفری کی جانب سے رومن رینز کو حریف ریسلر سموا جوئی پر رنگ سے باہر حملہ کرنے سے روکنے کی کوشش کی گئی تھی، مگر ریسلر نے دھکا دے کر اسے ایک طرف کردیا اور اپنے حریف کو مارتے رہے۔

ایسا کرنے پر میچ ختم کرکے سموا جوئی کو ڈس کوالفیکیشن پر میچ کا فاتح قرار دیا گیا جبکہ رومن رینز اپنا ٹائٹل بچانے میں کامیاب رہے۔ اس واقعے کے بعد ڈبلیو ڈبلیو ای کی جانب سے رومن رینز کو جرمانے کی سزا سنائی گئی۔

رومن رینز کے مطابق سموا جوئی کی جانب سے ان کے ساتھی ڈین امبروز کو زخمی کرنے پر وہ اس طرح کا حملہ کرنے پر مجبور ہوئے۔

اس سے پہلے بھی 2016 میں رومن رینز کو کمپنی کی جانب سے ویل نیس پالیسی کی خلاف ورزی پر ایک ماہ کے لیے معطل کردیا گیا تھا، جس کے نتیجے میں انہیں اپنی ڈبلیو ڈبلیو ای ورلڈ چیمپئن شپ سے بھی ہاتھ دھونے پڑے تھے۔

Share on Pinterest
Share with your friends










Submit
Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close