عید الفطر کے موقع پر کھلاڑیوں کی جانب سے پیغامات

7 جولائی 2016

0 16

عید الفطر کے موقع پر تمام شعبہ جات سے تعلق رکھنے والے مسلمان ایک دوسرے کو عید کی مبارک باد پیش کررہے ہیں، ماڈلز، فنکار اور کاروباری حضرات اپنے مداحوں کو عید الفطر کی مبارک باد کا پیغام پہنچانے کے لیے سماجی رابطوں کی ویب سائٹس پر عید کے موقع پر مسلمانوں کے نام پیغام بھیجیں ہیں۔

ٹیکنالوجی کے شعبے میں جدت آجانے کے باعث اب بیرون ملک میں وقت گزارنے والے افراد دنیا کے کسی بھی کونے میں بیٹھ کر اپنے مداحوں، دوستوں احباب سمیت تمام افراد کے سامنے اپنے جزبات کی عکاسی کرسکتے ہیں، انٹرنیٹ سے واقفیت اور سماجی رابطے کی ویب سائٹ کو استعمال کرتے ہوئے کھلاڑیوں نے اپنے مداحوں کو عید الفطر کے موقع پر خصوصی پیغام دیا ہے۔

معروف فٹبالر ’’لیونیل میسی‘‘ نے سماجی رابطے کی ویب سائٹ پر عید منانے والوں کے نام مبارک باد کا پیغام بھیجا ہے۔

پاکستانی معروف فاسٹ بولر اور سوئنگ کے بادشاہ وسیم اکرم نے عید کی مبارک باد پیش کرتے ہوئے لوگوں کو مشورہ دیا ہے کہ ’’اس سنہری موقع کے ہر مرحلے سے لطف اندوز ہوں اور اچھے طریقے سے عید گزاریں‘‘۔

سرلنکن کھلاڑی مہیلا جے وردھنا نے مسلمانوں کو عید کی مبارک باد دیتے ہوئے نیک خواہشات کا اظہار کیا ہے۔

بھارتی کرکٹ بورڈ کی جانب سے ایک ویڈیو پیغام جاری کیا گیا ہے، جس میں انڈین بلے باز محمد شامی نے عید الفطر کی مبارک باد پیش کی اور کہا کہ ’’ خوشیاں بانٹتے رہیں اور ٹیم انڈیا کو سپورٹ کرتے رہیں‘‘۔

سابق پاکستانی بلے باز اور معروف کمنٹیٹر رمیز راجہ نے عید الفطر کے موقع پر سب کو مبارک باد کا پیغام دیتے ہوئے اس امید کا اظہار کیا ہے کہ آنے والا سال سب کی توقعات کو پورا کرے اور خوشیوں کا سال ثابت ہو۔

پاکستانی بلے باز اور سیلفی کنگ احمد شہزاد نے سماجی رابطے کی ویب سائٹ پر اپنے مداحوں اور اُن کے اہل خانہ کو عیدالفطر کی مبارکباد پیش کی ہے۔

پاکستانی لیگ اسپینر سعید اجمل نے عید الفطر کی مبارک باد پیش کرتے ہوئے کہا ہے کہ ’’یہ دن ہمارے لیے برکتوں کا دن ہے، تمام لوگوں کو یہ دن مبارک ہو‘‘۔

پاکستانی بولنگ کوچ اظہر محمود نے عید الفطر کے مبارک موقع پر دعا کی ہے کہ’’ اللہ رب العزت ہماری رمضان المبارک کی عبادات کو قبول فرمائے، عید منانے والے افراد اپنے اردگرد رہنے والے کمزور اور مجبور افراد کو عید کی خوشیوں میں ضرور یاد رکھیں‘‘۔

پاکستانی اوپنر محمد حفیظ نے عید الفطر کے موقع پر ویڈیو پیغام میں کہا ہے کہ ’’عید کا دن خوشیوں کا دن ہے، خوش رہیں اور خوشیاں بانٹیں، تمام مسلمانوں اور اہل وطن کو میری جانب سے بہت بہت عید مبارک‘‘۔

ٹیینس کھلاڑی اور شیعب ملک کی اہلیہ ثانیہ مرزا نے سماجی رابطے کی ویب سائٹ پر عید کی مبارک باد دیتے ہوئے کہا ہے ’’میں عید کے اس پر مسرت موقع پر لندن میں ہوں اور اپنے اہل و عیال کی کمی شدت سے محسوس ہورہی ہے، آپ لوگ بہت خوش نصیب ہیں کہ اپنے حلقہ احباب کے ساتھ عید الفطر کی خوشیوں میں شریک ہیں‘‘۔

راولپنڈی ایکسپریس کا لقب پانے والے معروف پاکستانی فاسٹ بالر شیعب اختر نے بھی عید الفطر کے موقع پر مبارک باد پیش کی ہے۔

خواتین ٹی ٹوئنٹی کرکٹ کی کپتان بسمہ معروف نے بھی عید الفطر کے موقع پر مداحوں کو مبارک باد پیش کی اور اس امید کا اظہار کیا کہ ’’آج کا خاص دن ملک کے لیے امن لے کر آئے گا‘‘۔