رشی کپورکی لٹل ماسٹرحنیف محمد کے انتقال پر طنز سے بھرپورٹوئٹ

13 اگست 2016

0 12

ممبئی: بالی ووڈ اداکاررشی کپورجو سوشل میڈیا پر اپنے متضاد بیانات کے حوالے سے کافی مشہورہیں اور اب انہوں نے پاکستان کے لیجنڈ کرکٹرحنیف محمد کے انتقال کی خبر پر دکھ کا تو اظہار کیا لیکن ساتھ ہی طنز کے نشتر چلانا نہ بھولے جس کے بعد ان ہی کے مداح انہیں شدید تنقید کا نشانہ بنا رہے ہیں۔

بالی ووڈ اداکاررشی کپورسوشل میڈیا پراپنے خیالات کا اظہارکرتے ہیں تو آداب واخلاق کا دامن ہاتھ سے چھوڑ دیتے ہیں اورطنز کے ایسے تیر چلاتے ہیں جس کے بعد وہ متعدد بار تنازعات کا بھی شکارہوچکے ہیں اوراب انہوں نے اپنے اسی طنزیہ رویے کو پاکستان کے لیجنڈ کرکٹرحنیف محمد کے انتقال کی خبرپربھی بڑھ چڑھ کردکھایا۔

اداکارنے سماجی رابطے کی ویب سائٹ ٹوئٹرپرحنیف محمد کے انتقال کی خبرپرایک پرانا میچ یاد کرتے ہوئے لکھا کہ انہوں نے ممبئی کے اسٹیڈیم میں حنیف محمد کوٹیسٹ میچ کے دوران بھارتی فاسٹ بالر”رماکانت دیسائی” کے اوورکی دوسری بال پرآؤٹ ہوتے ہوئے دیکھا تھا جب کہ اس طنزکے بعد انہوں نے محض “RIP” لکھ کراپنے دکھ کا بھی اظہارکیا۔

اداکارکے اس طنزیہ اندازپران ہی کے مداح نے رشی کپورکو شدید تنقید کا نشانہ بناتے ہوئے کہا کہ وہ اس وقت کہاں تھے جب لیجنڈ کرکٹر نے ٹرپل سنچری بنائی تھی۔

اس خبر کو بھی پڑھیں: گاندھی خاندان کے خلاف بیان دینے کے بعد رشی کپور کو سیکیورٹی مسائل کا سامنا

ایک اور مداح نے اپنے جذبات کا اظہارکچھ اس طرح کرتے ہوئے لکھا کہ رشی کپورایک ناکام ہیروکے باپ ہیں اورہمیشہ فضول طنزکرتے ہیں۔

رشی کپورپر تنقید کرتے ہوئے ان کے ایک اور مداح کا کہنا تھا کہ انہوں نے کبھی اسٹیڈئیم میں میچ دیکھے ہیں جب کہ ان کی اس زبان سے ایسا لگتا ہے کہ وہ کبھی بھی “اسپورٹس پرسن” نہیں رہے ہوں گے۔