کھیل و ثقافت

چوتھے سیزن میں چوتھی ٹیم؛ سہیل تنویر کوئٹہ گلیڈی ایٹرز میں شامل

آل راؤنڈر سہیل تنویر پی ایس ایل کے چوتھے سیزن میں چوتھی ٹیم کی نمائندگی کریں گے، ٹریڈنگ کے دوران کوئٹہ گلیڈی ایٹرز نے ان کی خدمات ملتان سلطانز سے حاصل کر لی ہیں، اس کے بدلے فرنچائز کو ڈرافٹ میں پک دی جائے گی، ٹریڈنگ میں کھلاڑیوں کا تبادلہ بھی کیا جا سکتا ہے۔

سہیل تنویر پاکستان کیلیے 57 ٹوئنٹی 20 میچز کھیل چکے مگر ڈیڑھ سال سے انٹرنیشنل کرکٹ سے دور ہیں، انھوں نے گزشتہ پی ایس ایل میں ملتان سلطانز کیلیے 10 وکٹیں لینے کے ساتھ 75رنز بنائے تھے، اسی لیے فرنچائز نے انھیں ریلیز کر دیا، 33 سالہ سہیل تنویر نے پی ایس ایل ٹو میں لاہور قلندرز اور پہلے ایڈیشن میں کراچی کنگز کی نمائندگی کی تھی، یوں اب وہ چوتھی فرنچائز کی جرسی زیب تن کریں گے، انھیں موجودہ دور میں ٹی ٹوئنٹی کرکٹ کے چند اچھے آل راؤنڈرز میں شمار کیا جاتا ہے اور لیگز میں ان کی بہت ڈیمانڈ ہے۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close